Njohësi i çështjeve ndërkombëtare, Shqiprim Pula, gjatë një intervistë në emisionin DIREKT në ATV, tha se, edhe pse është përfolur se me liberalizimin e vizave do të mund të ketë një zbrazje të Kosovës, ai beson që një gjë e tillë nuk do të ndodh.
“Është përfolur mjaft shumë për një mundësi të tillë. Unë nuk e besoj shumë këtë gjë. Më tepër do e besoja që ajo kategori e qytetarëve të vendit që nuk kanë pasur rastin të udhëtojnë drejtë shteteve evropiane mund ta bëjnë një gjë të tillë. Mund të bëjnë vizita të ndryshme”, thotë Pula.
