Selvi Izeti-Çarkaxhiu nga Qendra Kosovare për Rehabilitimin e të Mbijetuarve të Torturës, e ftuar në emisionin e mëngjesit “ Alarm”, foli rreth Ditës së të Mbijetuarve të Dhunës Seksuale, gjatë luftës së fundit në Kosovë.
Ajo tha se zyrtarizimi i 14 prillit si Dita e të mbijetuarve të dhunës seksuale gjatë luftës së fundit në Kosovë, ka një domethënie të madhe për këtë kategori.
Tutje ,ajo shtoi se të mbijetuarit përveç që marrin trajtim psikologjik e shëndetësorë nga organizata të ndryshme joqeveritare, tani ata marrin edhe mbështetje financiare nga shteti.
“Në aspektin institucional të mbijetuarit tashmë e marrin një mbështetje financiare, që është një pension me një shumë të caktuar por kjo shumë për shumë të mbijetuar jo shumë nuk është domethënëse sa është domethënës njihja e dhimbjes. Vet fakti që shteti më në fund po e njeh atë dhimbje ka qenë teje domethënëse por krahas kësaj organizatat joqeveritare vazhdojnë të ofrojnë rehabilitim e tyre qoftë psikologjik qoftë shëndetësor të tyre. Është e dhimbshme që në aspektin institucional ende mungon mbështetja shëndetësore por ne si organizata jemi duke u përpjekur fuqishëm që të mbijetuarit sikurse të gjitha kategoritë e tjera të dala nga lufta të kanë mbështetje në aspektin shëndetësor sepse e meritoj dhe përveç kësaj ata për gjitha këto vite e kanë mbajtur në heshtje dhimbjen e tyre”, tha ajo.
Izeti-Çarkaxhiu tha se gjithë procesi I punës me të mbijetuarit e dhunës seksuale është sfiduese pasi jo të gjithë kanë guximin të flasin publikisht apo edhe të paraqiten në këto organizata./atlive.tv/
Për më shumë ndiqni videon e mëposhtme:
