Gazetari Valon Syla ka reaguar pas sulmit ndaj tij, ku ka konfirmuar se pësoi lëndime të rënda në kokë dhe në dorën e majtë.
Syla përmes një shkrimi në llogarinë e tij në Facebook ka thënë se është mirë, derisa ka falenderuar miqtë, institucionet dhe kolegët gazetarë për mbështetjen.
Ai tutje në shkrimin e tij ka treguar edhe se si ndodhi rasti.
“Ishim në debat te Lleo në Pressing, dhe sulmuesit na kishin percjellur prej se kemi dale nga ndertesa e T7 duke na u percjedhur me veturë nga pas, deri te vendi ku jemi ndalur, une Ilir Mirena dhe Leonard Kerquki per takim edhe me disa gazetare te tjere pas debatit. Kete here e kishim zgjedhur kafiterinë Image në Breg të Diellit per tu takuar. Dhe pikërisht para shkalleve duke hy ne lokal u sulmova nga 3 persona, në dukje islamik fanatik.” – ka thënë ai.
Syla tutje, ka shkruar se me gjasë, sulmi ka të bëjë me reagimin e tij pasi një hoxhe iu bë dhuratë një veturë e tipit Mercedes.
“Nuk e di a i ka porositur ndokush, por kjo mjaftoi qe te pësoj lendime të rënda në kokë, dhe në dorën e majtë.” – tha ai.
Gazetari tutje ka thënë se reagimet e tij në këtë rast, përpos që ishin të faktuara, kishin edhe doza të humorit dhe kjo nuk po pranohet nga “një komunitet islamik me tipare mesjetare”.
“Poashtu tendenca e tyre që dhunshëm të imponohen që të arrijë objektiva të errta dhe fanatike deri në shkeljen e të drejtave më bazike të njeriut, tregon taktikën e tyre kryesore që është frikësimi i masave dhe me sulme sikur ndaj tipave si unë, mundohen ti frikësojnë të gjithë ata që janë në dy mendje. Kjo tregon se keta predikues fetarë, e hoxhallarë që nxisin dhunë e prodhojnë kesi militantizmi shpërblehen me mercedesa, nga shefat e Bashkësive Fetare, dhe duke i shpërblyer pregaditen të ushtrojnë dhunë dhe frikësim te të gjithë ata që nuk i përcjellin dogmat e tyre.” – tha ai.
Sula tutje në shkrimin e tij ka deklaruar si vijon: “Feja është e rendësishme dhe njerëzimi nuk kishte me arritë këtu ku është pa të mirat e fesë. Poashtu Islami thuhet se nëkupton paqe. Por jo edhe liri”.
“Unë jam Valon Syla dhe jam libertarian me bindje. Mua dhe kosovarëve si unë nuk ju nevojitet paqja, pa liri. Kosova është e lirë. Fjala është e lirë. Frikësimi i masave, dhuna dhe të gjithë ata që predikojnë kundër lirive dhe veprojnë si përcjellës të kësaj fryme fanatike, nuk janë as për paqe dhe as për liri. Ky është rreziku që po na kanoset të gjithëve si kosovarë. Andaj flisni dhe mbrone lirinë. Por mos e harroni as sensin e humorit. Faleminderit edhe një herë.” – ka thënë ai në fund.
