Kombëtarja U21 e Kosovës është gati për sfidën e radhës në kuadër të eliminatoreve për Kampionatin Evropian U21, që do të zhvillohet në Shqipëri dhe Serbi në vitin 2027.
“Dardanët” e rinj të martën kanë zhvilluar seancën e fundit stërvitore para përballjes me Qipron U21, e cila zhvillohet sot, të mërkurën, në stadiumin “Fadil Vokrri”, me fillim nga ora 19:00.
Kosova vjen në këtë takim me moral të ngritur pas fitores së thellë 3-0 ndaj San Marinos, të regjistruar javën e kaluar. Përfaqësuesja U21 synon të vazhdojë me rezultate pozitive dhe të shënojë fitoren e dytë radhazi në këto eliminatore.
Futbollistët kosovarë kanë shprehur gatishmërinë për të dhënë maksimumin në fushë, ndërsa përballja me Qipron do të jetë e parafundit për Kosovën në këtë cikël kualifikues.
Aktualisht, Kosova U21 zë vendin e katërt në grup me 11 pikë dhe nuk ka më mundësi për të siguruar kualifikimin në Kampionatin Evropian. Spanja kryeson grupin me 21 pikë, e ndjekur nga Finlanda me 19 pikë.
Pas ndeshjes me Qipron, Kosova do ta zhvillojë edhe takimin e fundit të eliminatoreve më 6 tetor, kur në shtëpi do të përballet me Finlandën U21.
Pavarësisht se kualifikimi nuk është më në objektiv, “Dardanët” e rinj synojnë ta mbyllin këtë cikël me paraqitje sa më pozitive dhe me rezultate që do t’u japin fund eliminatoreve në mënyrën më të mirë të mundshme.
Përballja Kosovë U21 – Qipro U21 do të jetë e hapur për tifozët, pasi hyrja në stadiumin “Fadil Vokrri” është falas.
Ndeshja nis në ora 19:00, ndërsa mbështetja nga tribunat pritet t’u japë një shtysë shtesë futbollistëve kosovarë në kërkim të një tjetër rezultati pozitiv.
Kosovë U21 – Qipro U21, ora 19:00, stadiumi “Fadil Vokrri”.
