Ambasada e Britanisë në Kosovë, ka reaguar pas emërimit të Zejnulla Gashit si Kryeprokuror i Shtetit.
Ata i kanë uruar Gashit, sukses në zbatim të masave që sistemi prokurorial në Kosovë të jetë i pavarur transparent dhe llogaridhënës.
“Mirëpresim emërimin e Kryeprokurorit të ri të Shtetit, pas një periudhe disa vjeçare pa këtë pozitë të plotësuar. I urojmë Kryeprokurorit të Shtetit, Zejnullah Gashi, sukses në zbatimin e masave të nevojshme për të siguruar që sistemi prokurorial i Kosovës të funksionojë si një institucion i pavarur, transparent dhe llogaridhënës, që ushtron funksionet e tij prokuroriale në mënyrë efektive dhe efikase, forcon sundimin e ligjit dhe kontribuon në luftën kundër krimit të organizuar dhe korrupsionit, në dobi të të gjithë qytetarëve”, ka shkruar Ambasada e Britansië.
Gashi është dekretuar si Kryeprokuror i Shtetit nga Ushtruesja e Detyrës së Presidentes së Kosovës, Albulena Haxhiu pasi i ka marrë shumicën e votave nga KPK.
Ai ka marrë mandatin e tij dje nga Ushtruesi i Detyrës së Kryeprokurorit të Shtetit, Agron Qalaj ndërsa ka thënë se “do të jetë Kryeprokuror i të gjithëve”.
