Një rast i dhunës në familje është raportuar të dielën në Fushë Kosovë.
Sipas policisë, një burrë është arrestuar nën dyshimin se, pas një mosmarrëveshjeje familjare, ka sulmuar fizikisht nënën dhe motrën e tij.
Si pasojë e sulmit, të dyja viktimat kanë pësuar lëndime trupore dhe kanë marrë trajtim mjekësor.
I dyshuari është shoqëruar në stacionin policor, ku është intervistuar lidhur me rastin. Me vendim të prokurorit, ai është liruar në procedurë të rregullt, ndërsa hetimet për rastin vazhdojnë.
