Drejtuesi i shoqatës bamirëse “Jetimat e Ballkanit”, humanisti Halil Kasttrati, përmes një postimi në profilin e tij në facebook, ka njoftuar se nëna vet-ushqyese Pranvera Shala, së bashku me dy fëmijët e saj,, sot do të hynë në banesën e tyre të re.
“Endrra e tyre po realizohet. Pranvera me dy fëmijët e saj sot po hynë në banesën e tyre te re. Bamirës, Zoti kurrë mos ju humbtë”, ka shkruar Kastrati.
Kujtojmë se ATV kishte raportuar për kushtet e rënda të Pranvera Shala nga Peja, e cila me dy fëmijët e saj jeton në kushte tejet të rënda. Pamjet e rënda nga shtëpia e saj, e cila as për së afërmi nuk i plotësonte kushtet për jetesë, nuk kaluan pa u vënë re nga humanisti Halil Kastrati.
Më 6 prill, Pranvera ishte e ftuar në Studio A në ATV, ku edhe u publikuar numri i xhirollogarisë për të gjithë ata që duan ta ndihmojnë atë.
Në një lidhje direkte u inkuadrua humanisti Halil Kastrati, i cili i dha Pranverës lajmin më të gëzueshëm për të, ku tha se “Jetimat e Ballkanit” kanë marrë përsipër që asaj t’ia sigurojnë një banesë.
Këtë premtim, humanisti kastrati e realizoi në kohë rekorde, ku vetëm pas 5 ditë i sigurioi Pranverës dhe dy fëmijëve të saj banesën e premtuar. /atvlive.tv
