Kupa e Botës 2026 ka hyrë në histori si edicioni që ka arritur më shpejt shifrën e 100 golave që nga viti 1958. Goli i 100-të i turneut u shënua nga sulmuesi holandez Cody Gakpo, në fitoren 5–1 të Përfaqësuesja e Holandës në futboll ndaj Suedisë, dhe erdhi në ndeshjen e 33-të të kompeticionit.
Vetëm Botërori i vitit 1954 në Zvicër ka qenë më i shpejtë për arritjen e kësaj shifre, duke e kaluar 100-golëshin në vetëm 20 ndeshje.
Aktualisht, turneu që po zhvillohet në SHBA, Meksikë dhe Kanada po regjistron një mesatare prej 3.09 golash për ndeshje dhe është në rrugë për të kaluar shifrën e 300 golave deri në fund të kompeticionit.
Një nga temat më të diskutuara është edhe topi zyrtar i Adidas, i quajtur “Trionda”, për të cilin disa portierë kanë shprehur vështirësi në kontroll për shkak të shpejtësisë dhe trajektores së tij të paparashikueshme.
Ish-portierë si Joe Hart dhe Paul Robinson kanë vënë në dukje se sjellja e topit në disa raste është e vështirë për t’u parashikuar, duke rikthyer debatet e ngjashme me Botërorin 2010.
Një tjetër faktor që po ndikon në shumë gola është edhe formati i ri me 48 skuadra, ku disa ekipe debutuese si Kepi i Gjelbër, Curaçao, Jordania dhe Uzbekistani po përballen me nivele më të forta kundërshtarësh.
Rezultate të thella si 7–1 dhe 6–0 tregojnë diferencën në disa ndeshje, edhe pse shumë skuadra kanë treguar paraqitje konkurruese.
Trajneri Thomas Frank ka theksuar se jo të gjitha ndeshjet janë dominuar plotësisht, por ka pasur një balancë më të mirë në shumë prej tyre.
Temperaturat e larta në Amerikën e Veriut dhe lodhja fizike po ndikojnë gjithashtu në ndeshje, me rreth 29% të golave të shënuar pas minutës së 76-të.
Gabimet individuale dhe humbjet e topit janë shtuar, ndërsa ndërprerjet për hidratim po shfrytëzohen nga trajnerët për korrigjime taktike, duke ndikuar drejtpërdrejt në rrjedhën e lojës.
