Trajneri i Kombëtares së Turqisë në futboll, Vincenzo Montella, ka deklaruar pas eliminimit nga Kupa e Botës se nuk kishte përjetuar kurrë diçka të tillë në karrierën e tij.
“Në 35 vjet karrierë nuk kisha parë kurrë një gjë të tillë”, u shpreh Montella pas humbjes 1:0 ndaj Kombëtares së Paraguajit në futboll, rezultat që vulosi eliminimin e Turqisë nga turneu. Për më tepër, Turqia nuk arriti të shënojë asnjë gol në dy ndeshjet e para të Botërorit.
Statistikat e skuadrës turke janë të jashtëzakonshme, por në mënyrë negative: 62 goditje gjithsej në dy ndeshje, nga të cilat 7 me kokë, 17 me këmbën e majtë dhe 38 me të djathtën, por pa arritur asnjë gol të vetëm.
Në detaje, në ndeshjen ndaj Paraguajit, Turqia regjistroi 32 goditje, vetëm 5 prej tyre në kuadratin e portës. Ndërsa ndaj Australisë, pati 30 goditje, nga të cilat 8 në portë.
“Bëmë 65 goditje në dy ndeshje dhe nuk shënuam asnjë gol. Një gjë e tillë ndodh shumë rrallë, ndoshta një herë në 50 ndeshje. Fati nuk ishte në anën tonë”, deklaroi Montella.
Edhe një nga lojtarët kryesorë të ekipit, Arda Güler, kërkoi falje për tifozët:
“Duam të kërkojmë ndjesë, na vjen turp. Në 180 minuta nuk shënuam asnjë gol, është e papranueshme.”
Kështu, Turqia largohet Kupa e Botë nga me një nga statistikat më të tmerrshme në historinë e saj në Kupën e Botës.
