Kryeministrit të Shqipërisë nuk i ka mbetur hatri që homologu i tij nga Kosova nuk e priti në takim gjatë të enjtes.
Edi Rama thotë se nuk i ngatërron mosmarrëveshjet politike me ato personale.
“Nuk shkova në Prishtinë për t’u martuar me Albinin. Nuk ndihem i fyer si një dhëndër. Shkova në Prishtinë siç erdha këtu. Në asnjë mënyrë nuk kam problem personal me kryeministrin Kurti. Kemi vetëm qëndrime të kundërta lidhur me një situatë. Natyrisht këtë situatë e përjetojmë ndryshe. Unë e shoh si situatë ku duhet të takohemi e të bisedojmë, Kurti e sheh ndryshe”, tha Rama.
Madje, gjatë vizitës në Mal të Zi, kryeministri shqiptar njoftoi se Kurti do të jetë i ftuar në Samitin e Tiranës për Procesin e Berlinit.
“Kryeministri i Kosovës do të jetë i ftuar dhe dëshiroj që të jemi të gjashtë, përkundër faktit që në vende të tjera mund të mos e ftojnë, në Tiranë është në shtëpinë e vet. Përkundër që mund të garojë të bëhet zot i asaj shtëpie”, tha Rama
Megjithatë, Rama kritikoi politikën e Kurtit lidhur me qëndrimin e kryetarëve brenda objekteve komunale. Derisa, Lulzim Hetemin e Leposaviqit sërish e quajti Oso Kuka.
Gjatë konferencës për media fjalën e mori edhe nikoqiri Dritan Abazoviq, i cili i komentoi raportet Kosovë – Serbi.
“Çdo konflikt me ndërkombëtarët nuk mund të jetë i mirë. është harxhuar kohë e madhe për propozimin i cili nuk është perfekt, por është i mirë. Mendoj se do ishte mirë të shkohej drejt firmosjes së kësaj marrëveshjeje. Kështu i shoh punët. Ajo do të ishte shtytje e mirë për rajonin, si mesazh për afrimin mes palëve”, tha Rama.
Gjatë ditës Rama qëndroi edhe në Bosnjë e Hercegovinë, ndaj udhëheqësve të së cilës kërkoi zbatimin e marrëveshjes për lëvizjen e lirë për qytetarët e Kosovës.
Edi Rama të shtunën do të qëndrojë në Beograd, për takim me presidentin Aleksandër Vucic. /atvlive.tv
Edicionin Qendror të lajmeve në ATV e gjeni në videon më poshtë:
