Trajneri i kombëtares italiane, Gennaro Gattuso, ka marrë vendimin që të jap dorëheqje nga posti i trajnerit të Kombëtars së Italisë pas eliminimit nga Bosnja në një seri penalltish. Sipas gazetës La Repubblica, një deklaratë zyrtare nga Gattuso pritet të publikohet së shpejti për të konfirmuar largimin e tij.
Ky vendim i Gattusos vjen një ditë pas një serie largimesh të rëndësishme brenda hierarkisë së ekipit kombëtar. Presidenti i FIGC, Gabriele Gravina, dha dorëheqjen gjatë mbledhjes së këshillit federal, ndërsa më vonë legjenda e futbollit italian, Gigi Buffon, njoftoi largimin nga pozita e tij si drejtor federal, duke lënë të hapur mundësinë për të ardhmen.
Kombëtarja italiane tani përballet me një periudhë të vështirë tranzicioni, ku tifozët dhe analistët presin me padurim të mësojnë detaje mbi mundësitë e reja për stolin teknik dhe menaxhimin e ekipit. Të gjithë shikojnë me vëmendje se kush do të jetë zëvendësuesi i mundshëm i Gattusos dhe cilat do të jenë hapat e ardhshëm për të kthyer përfaqësuesen italiane në nivelin më të lartë.
