Prezantuesi i ndarjes së çmimeve Oscar të këtij viti, komediani Conan O’Brien, shkaktoi shumë vëmendje në Hollywood pas një shakaje në të cilën ai preku indirekt rastin e Jeffrey Epstein dhe Princit Andrew.
Gjatë ceremonisë së çmimeve Oscar 2026 , O’Brien në një moment komentoi faktin se nuk ka aktorë britanikë midis të nominuarve këtë vit.”Për herë të parë që nga viti 2011, asnjë aktor britanik nuk është nominuar”, tha prezantuesi, përpara se të shtonte: “Por të paktën po arrestojnë pedofilët atje”.
Edhe pse ai nuk përmendi drejtpërdrejt asnjë emër, publiku e lidhi menjëherë shakanë me skandalin që rrethonte Epstein dhe lidhjet e tij me një numër njerëzish të fuqishëm, si dhe me Princin Andrew të Britanisë.
omg the audience's reaction when Conan made this joke during his Oscars opening monologue
"It's the first time since 2012 that there are no British actors nominated for Best Actor or Best Actress. A British spokesperson said, 'Yeah, well, at least we arrest our pedophiles.'" pic.twitter.com/A2rB49JNLy
— Spencer Althouse (@SpencerAlthouse) March 15, 2026
Një heshtje e pakëndshme mbretëroi fillimisht në sallën e Teatrit Dolby në Los Angeles, ndërsa shumë të ftuar dukeshin të habitur, dhe më pas pasuan duartrokitjet.
Gjatë mbrëmjes, O’Brien bëri shaka edhe për aktorë dhe kandidatë të shumtë – përfshirë Timothee Chalamet – por ishte kjo shaka që shkaktoi më shumë reagime dhe ngriti më shumë pluhur në rrjetet sociale.
Kujtojmë se në fillim të vitit u publikuan miliona dokumente që lidheshin me rastin e Jeffrey Epstein, një abuzues seksual i dënuar, të cilat zbuluan lidhjet e tij me figura të shumta botërore, përfshirë, ndër të tjera, Bill Gates dhe Donald Trump.
