Spitali i Përgjithshëm në Pejë ka treguar se gruaja e aksidentuar në aksidentin në Loxhë të Pejës, në spital ka arritur pa shenja jete, ndërsa personi tjetër thonë të jetë jashtë rrezikut për jetë.
“Ju informojmë se në Spitalin e Përgjithshëm në Pejë sot janë sjellë dy persona si pasojë e një aksidenti. Njëri fatkeqësish ka arritur pa shenja jete dhe është konstatuar vdekja e tij, ndërsa personi tjetër është duke u trajtuar dhe aktualisht ndodhet në gjendje stabile, jashtë rrezikut për jetën. Spitali i Përgjithshëm në Pejë shpreh ngushëllimet më të sinqerta për familjen e të ndjerit”, thuhet në njoftimin e Spitalit.
