Publikimi i kapitullit të ri ka sjellë gjithashtu një rritje të interesit për sezonet e mëparshme. Sezoni i parë u rikthye në listën Top 10, duke u renditur në vendin e dhjetë me 2.7 milionë shikime, ndërsa sezoni i tretë u pozicionua në vendin e tetë me të njëjtin numër shikimesh.
Në të njëjtën listë, vendi i nëntë iu rezervua sezonit të pestë të “Stranger Things”, i cili kishte debutuar gjatë festës së Falënderimeve dhe publikoi episodin final në fillim të këtij viti.
Pas “Bridgerton”, në vendin e dytë u rendit seriali “His & Hers”, që në javën e katërt të transmetimit arriti 11 milionë shikime. Prodhimi “Finding Her Edge” u pozicionua i treti me 6.7 milionë shikime në javën e dytë, ndërsa dokumentari “Skyscraper Live”, që ndjek alpinistin Alex Honnold gjatë ngjitjes së tij në Taipei 101 në Tajvan, u rendit i katërti me 5.3 milionë shikime.
Lista u plotësua edhe nga dy speciale komedie: “Delusional” nga Mike Epps debutoi në vendin e pestë me 3.8 milionë shikime në tre ditë, ndërsa “Free Bert” nga Bert Kreischer u rendit i gjashti me 3.7 milionë shikime. Në vendin e shtatë u pozicionua “Agatha Christie’s Seven Dials”, i cili në javën e tretë arriti 3 milionë shikime.
Netflix pritet të vijojë monitorimin e performancës së sezonit të katërt të “Bridgerton”, i cili ka ende kohë për të zgjeruar audiencën dhe për të konsoliduar statusin e tij si një nga serialet më të suksesshme të platformës.
