Sot është dita Ndërkombëtare e Personave me Aftësi të Kufizuara, andaj Federata e Futbollit të Kosovës ka bërë një postim mjaftë emocionues:
“Sot është një ditë reflektimi dhe respekti për personat me aftësi të kufizuara – për forcën e tyre të jashtëzakonshme, talentin dhe vlerën që sjellin çdo ditë në shoqërinë tonë.
Kjo ditë na kujton se barazia dhe gjithëpërfshirja nuk janë thjesht ideale, por përgjegjësi e përbashkët.
Federata e Futbollit e Kosovës mbetet e përkushtuar në krijimin e mundësive të barabarta për të gjithë. Përmes programeve “Grassroots” dhe “FSR”, FFK punon që futbolli të jetë hapësirë e hapur, e sigurt dhe inspiruese për personat me aftësi të kufizuara.
Falë angazhimit të tyre, sporti shndërrohet jo vetëm në aktivitet, por edhe në urë lidhëse që sjell bashkim, dinjitet dhe motivim.
Le të vazhdojmë të ndërtojmë një shoqëri ku secili ndihet i vlerësuar, i përfshirë dhe i fuqizuar.
Diversiteti na bashkon. Përkrahja na fuqizon. Përfshirja na nderon.”
