Komiteti Ekzekutiv i UEFA-s do të zhvillojë mbledhjen e radhës të mërkurën, më 3 dhjetor, nga ora 13:30 deri në 17:30, në Nion të Zvicrës.
Pikat kryesore të rendit të ditës përfshijnë:
• UEFA Women’s EURO 2029 – caktimi i vendit pritës
• Finalet e turneve të të rinjve për djem dhe vajza për vitet 2028 dhe 2029 – përcaktimi i vendeve pritëse
• Miratimi i rregulloreve për UEFA Nations League 2026/27 dhe për garat e të rinjve për sezonin 2026/27
Gjatë mbledhjes do të mbahen prezantimet finale të kandidaturave për organizimin e UEFA Women’s EURO 2029, si edhe ceremonia e shpalljes së vendit pritës. UEFA do të publikojë vendimet e Komitetit Ekzekutiv nëpërmjet një njoftimi për median pas përfundimit të ceremonisë. /ATVLIVE.TV
