Parakalimi i Kimi Antonelli nga Lando Norris në xhirot e fundit të garës së Katarit ka ngjallur polemika në mediat botërore. Piloti italian i Mercedes bëri një gabim të vogël nën presionin e
McLaren të britanikut, por konsulenti i Red Bull, Helmut Marko, e quajti këtë veprim të qëllimshëm.
“Po, ndodhi dy herë që ai pak a shumë i sinjalizoi Lando të kalonte. A e bëri me qëllim? Ishte kaq e qartë. Dhe herën e parë ishte e njëjta gjë“, tha Marko.
Shefi i Mercedes, Toto Wolff, reagoi ashpër ndaj akuzave: “Kjo është një absurditet i plotë që më lë pa fjalë vetëm duke e dëgjuar. Ne po luftojmë për vendin e dytë në kampionat, gjë që është e rëndësishme për ne. Kimi po luftonte për një vend të tretë të mundshëm. Sa budalla duhet të jesh për të thënë diçka të tillë?”
Wolff shtoi: “E gjithë kjo më bezdis edhe më shumë sepse jam tashmë i zhgënjyer nga mënyra se si shkoi gara, nga gabimi në fund dhe nga gabime të tjera, dhe pastaj duhet të dëgjoj këtë absurditet. Më lë pa fjalë.”
