Reshjet e shiut kanë shkaktuar përmbytje të mëdha në Bullgari, duke goditur rajonin e Burgasit, ku mes zonave të prekura ishte edhe fshati turistik Elenite.
Sipas Alexander Dzhartov, kryekomisioner për Siguri dhe Zjarre, banorët e Elenite ishin paralajmëruar për shirat, por intensiteti erdhi papritur.
“Gjatë 24 orëve të fundit, kemi punuar në mbi 400 sinjale. 340 prej tyre lidhnin me reagimin ndaj kushteve të këqija të motit. Kryesisht bëhej fjalë për heqjen e objekteve dhe pemëve të rrezikshme që kishin rënë. Çdo gjë tjetër lidhej me evakuimin, kullimin dhe sigurimin e ndërtesave”, tha Dzhartov.
Sipas tij, qindra persona janë evakuuar dhe akomoduar në objekte komunale, ku do t’u sigurohet ujë dhe ushqim.
Dzhartov shtoi se dëmi material ende nuk është vlerësuar, por është i konsiderueshëm. Deri më tani zyrtarisht nuk ka viktima nga përmbytja.
