Një rast i rëndë dhune familjare ka ndodhur më 2 tetor 2025 në fshatin Llashkadrenoc të Malishevës, ku një vajzë ka goditur fizikisht nënën e saj.
Rreth orës 15:00, viktima M.K. rreth 54-vjeçar ka raportuar në polici se ishte sulmuar nga vajza e saj Sh.K. rreth 28-vjeçar.
E dyshuara është shoqëruar menjëherë në polici dhe me urdhër të Prokurorit kujdestar ndaj saj është iniciuar rast për veprën penale “Dhuna në familje”. Pas procedurave të para, ajo është dërguar edhe për trajtim në spital.
Ndërkohë, viktima, me pëlqimin e saj, ka vendosur të kthehet në shtëpinë e saj.
