Kryeministri i Polonisë, Donald Tusk, e ka quajtur shkeljen e hapësirës ajrore nga dhjetëra dronë rusë një provokim serioz dhe të rrezikshëm.
Duke folur në Parlament, ai njoftoi se Polonia ka kërkuar të thirret Neni 4 i traktatit të NATO-s, që u mundëson vendeve anëtare të hapin diskutime në Këshillin e Atlantikut të Veriut për çështje që rrezikojnë sigurinë apo integritetin e tyre territorial.
Tusku tha se pret mbështetje më të gjerë nga aleatët.
“Ky nuk është vetëm një konflikt i ukrainasve, por një sfidë që Rusia ia ka shpallur gjithë botës së lirë”, ka thënë ai.
