“Warner Bros” ka blerë të drejtat për një skenar filmi që do të përqendrohet tek një nga momentet më vendimtare të karrierës së Kobe Bryant – dita e draftit të vitit 1996.
Projekti, me titull të përkohshëm “Me Zgjedhjen e 8-të”, do të tregojë sesi New Jersey Nets hezituan të merrnin Bryant dhe zgjodhën Kerry Kittles, duke i hapur rrugën që Kobe të përfundonte tek Los Angeles Lakers pas një shkëmbimi me Charlotte Hornets.
Edhe pse jeta dhe karriera e Bryant do të meritonin një film shumë të gjatë, ky projekt do të fokusohet vetëm në atë moment që ndryshoi historinë e NBA-së.
Më herët, Kobe kishte fituar edhe një Oscar me filmin e shkurtër “Dear Basketball”, duke dëshmuar lidhjen e tij të fortë me kinemanë.
Legjenda e Lakers, që u nda tragjikisht nga jeta në vitin 2020, do të kishte mbushur 47 vjeç këtë gusht.
