Si përgjigje ndaj trazirave të fundit në veri të Kosovës, dhe lëndimit të 30 pjesëtarëve të misionit të NATO-s në Kosovë (KFOR), në atë pjesë, aleanca veri-atlantike ka marrë vendim për angazhim të Forcës Operacionale Rezervë për Ballkanin Perëndimor, e cila ka qenë në gjendje gatishmërie për angazhim.
“Në përgjigje të trazirave të fundit dhe plagosjes së 30 pjestarëve të forcave të NATO-s në Kosovë, NATO ka drejtuar vendosjen e Forcave Rezervë Operacionale për Ballkanin Perëndimor, të cilat ishin në gatishmëri shtatëditore”, thotë komunikata e KFOR-it.
Në komunikatë bëhet e ditur se një batalion shtesë shumëkombësh i forcave rezervë është urdhëruar për t’i reduktuar statusin e gatishmërisë nga katërmbëdhjetë ditë në shtatë ditë në mënyrë që të jenë gati të përforcojnë KFOR-in nëse është e nevojshme.
“Dislokimi i forcave shtesë të NATO-s në Kosovë është një masë e kujdesshme për t’u siguruar se KFOR-i ka aftësitë që i nevojiten për të ruajtur sigurinë në përputhje me Këshillin e Sigurimit të OKB-së” tha Stuart B. Munsch, komandant i Komandës së forcave të NATO-s.
NATO Deploys Additional Forces to Kosovo Force
In response to recent unrest and the injury of 30 members of
NATO’s Kosovo Force, NATO has directed the deployment of the Operational Reserve
Forces (ORF) for the Western Balkans, which was on a seven-day readiness-to-deploy
status.— NATO JFC Naples (@JFC_Naples) May 30, 2023
Pjesëtarë të KFOR-it janë përleshur të hënën, 29 maj, me protestuesit serbë në Zveçan, të cilët kanë kundërshtuar hyrjen e kryetarit të ri shqiptar në ndërtesën komunale.
