Cristiano Ronaldo mund të jetë duke u përgatitur për dasmën më glamuroze dhe të shumëpërfolur të vitit, por pas kësaj romance përrallore me Georgina Rodríguez, qëndron një marrëveshje paramartesore spektakolare që ka bërë jehonë në mediat ndërkombëtare.
Sipas burimeve të shumta në median spanjolle, ylli i futbollit botëror dhe legjenda e Real Madridit ka nënshkruar një marrëveshje konfidenciale me partneren e tij prej vitesh, me qëllimin kryesor të mbrojtjes ligjore dhe financiare të të dyja palëve, në rast të një ndarjeje të mundshme në të ardhmen.
Çfarë përfiton Georgina në rast të një ndarjeje?
Detajet që kanë rrjedhur, megjithëse ende të pakonfirmuara nga vetë çifti, janë mahnitëse dhe flasin për një marrëveshje me përmasa financiare të jashtëzakonshme. Ja çfarë raportohet se do të përfitojë Georgina Rodríguez nëse lidhja e tyre përfundon me ndarje:
• Një ndihmë mujore prej 121,000 dollarësh për të mbuluar shpenzimet e saj personale dhe jetën e përditshme.
• Pronësim i pasurive të paluajtshme me vlerë rreth 5.6 milionë dollarë, përfshirë vila luksoze në Madrid dhe Lisbonë.
• Një pension të përjetshëm prej 110,000 dollarësh në muaj, që do t’i sigurojë stabilitet financiar të përhershëm.
• Mbështetje për fëmijët në shumën prej 500,000 dollarësh çdo muaj, për të garantuar ruajtjen e stilit të jetesës luksoze që kanë pasur gjatë bashkëjetesës.
• 2 milionë dollarë në vit për “mirëmbajtjen e stilit të jetës”, që mbulon stafin personal, veshjet, kujdesin estetik dhe shërbimet e luksit të përditshëm.
• Dy makina luksoze, të përzgjedhura nga koleksioni privat i Cristiano Ronaldos.
• Fluturime private të klasit të parë, të mbuluara tërësisht, si dhe dy pushime luksoze në vit, të planifikuara dhe të paguara plotësisht.
Derisa vetë Cristiano Ronaldo dhe Georgina Rodríguez nuk kanë konfirmuar apo mohuar zyrtarisht ekzistencën e kësaj marrëveshjeje, spekulimet kanë ndezur jo vetëm tabloidët evropianë, por edhe rrjetet sociale, ku fansat dhe analistët e jetës së VIP-ave diskutojnë për këtë zhvillim të papritur.
Aktualisht, çifti duket i përqendruar tërësisht në përgatitjet për ceremoninë e tyre madhështore, e cila pritet të jetë ndër ngjarjet më të bujshme të botës së famshme këtë vit.
