Discord po teston përdorimin e skanimit të fytyrës për të verifikuar moshën e disa përdoruesve në Mbretërinë e Bashkuar dhe Australi.
Platforma sociale, e cila ka mbi 200 milion përdorues aktivë çdo muaj, fillimisht u përdor nga lojtarët, por tani ka komitete në një gamë të gjerë temash, përfshirë edhe pornografinë, raporton BBC News.
Ligjet e sigurisë online të Britanisë së Madhe kërkojnë që platformat që ofrojnë përmbajtje për të rritur të kenë një verifikim të moshës “të fuqishëm” deri në korrik. Eksperti i mediave sociale, Matt Navarra, tha për BBC-në se “ky nuk është një rast i vetëm – është fillimi i një ndryshimi më të madh”.
“Rregullatorët kërkojnë prova të vërteta, dhe njohja e fytyrës mund të jetë rruga më e shpejtë atje”, tha ai.
Megjithatë, aktivistët kanë thënë se këto lloj verifikimesh janë të paefektshme dhe mund të çojnë në probleme të privatësisë.
“Siguria e moshës po bëhet si rripi i sigurisë për internetin”, shtoi Navarra.
“A do të bëhet kjo normë në Britaninë e Madhe? Sinqerisht, po, ka shumë mundësi.”
Ai theksoi se ndryshimet në ligjet e sigurisë online do të detyrojnë platformat online të forcimin e proceseve të verifikimit të moshës, transmeton KP.
