Për shumëkënd, lajmet e vazhdueshme të këqija na mpin reagimin ndaj katastrofave klimatike. Por hulumtimet sugjerojnë se një lloj i ri tregimi gjithëpërfshirës për natyrën, përmes realitetit virtual (VR), mund të ndërtojë empati dhe të na inspirojë të veprojmë, shkruan BBC.
“Një eksperiencë VR më ka prekur emocionalisht, ku ndjek historinë e një pangolini të ri, Chestnut, që përpiqet të mbijetojë në shkretëtirën Kalahari”, shprehet në artikullin e BBC Neës. Ndërsa numri i insekteve ka rënë për shkak të ndryshimeve klimatike, Chestnut lufton për të gjetur ushqim dhe, në fund, vdes. Ky lloj i narrativës VR ka dëshmuar të jetë më i fuqishëm dhe më prekës se mediat e tjera, duke ndikuar në sjelljen dhe qëndrimet ndaj mjedisit, shkruan KosovaPress.
Kompani si HabitatXR po përdorin VR për të krijuar eksperienca që shfaqin natyrën në mënyrë gjithëpërfshirëse. Studimet tregojnë se këto eksperienca mund të rrisin lidhjen tonë me natyrën dhe të na nxisin të veprojmë për ta mbrojtur. VR është veçanërisht e fuqishme në provokimin e ndjenjës së madhështisë dhe mahnitjes, që mund të na motivojë të bëjmë sakrifica për mjedisin.
Megjithatë, edhe pse VR mund të ndihmojë në rritjen e ndërgjegjësimit dhe qasjes në natyrë, ajo nuk mund të zëvendësojë përvojat reale në natyrë. Për më tepër, VR mund të jetë një mundësi për ata që nuk kanë qasje të lehtë në natyrën reale, siç janë ata që nuk kanë parqe afër shtëpisë.
