Komisioni Qendror i Zgjedhjeve ka përditësuar rezultatet preliminare nga numërimi i 97 përqind të votave.
Sipas këtij përditësimi, Lëvizja Vetëvendosje është e para me 41. 08 përqind të votave, PDK e dyta me 22. 21 përqind, LDK e treta me 17. 75 përqind dhe AAK me 7. 47 përqind.
Në këto rezultate nuk përfshihen votat me kusht, votat e personave me nevoja të veçanta dhe votat e mërgatës.
Rreth 40.59 për qind e mbi 1.9 milion votuesve me të drejtë vote në Kosovë votuan në zgjedhjet e 9 shkurtit. Paraprakisht, për këto zgjedhje kanë votuar edhe diaspora, përmes postës, por edhe fizikisht në disa përfaqësi diplomatike të Kosovës në botë.
