Pesë raste të dhunës në familje janë raportuar në Fushë-Kosovë, Prishtinë dhe Malishevë. Lidhur me këto raste janë arrestuar tre burra dhe një grua.
Sipas raportit 24 orësh të Policisë, në Fushë-Kosovë është arrestuar një person pasi dyshohet se ka shqetësuar ish-të dashurën, raporton “Betimi për Drejtësi“.
“Fushë Kosovë / 04.02.2025 – 04:06. Është arrestuar i dyshuari mashkull kosovar pasi që i njëjti dyshohet se ka shqetësuar ish të dashurën e tij shqiptare shtetase e Shqipërisë. Pas intervistimit me vendim të prokurorit, i dyshuari është dërguar në mbajtje”, thuhet në njoftim.
Kurse, në Prishtinë raportohet se pas një mosmarrëveshje burri ka sulmuar fizikisht bashkëshorten.
“Prishtinë / 04.02.2025 – 08:00. Është raportuar se pas një mosmarrëveshje është sulmuar fizikisht viktima femër kosovare nga bashkëshorti i saj mashkull kosovar. Viktima ka pranuar tretman mjekësor. Nuk raportohet për të arrestuar”, njofton Policia.
Në anën tjetër, në Malishevë janë raportuar tri raste, ku në të parin u arrestua një burrë nën dyshimin se sulmoi fizikisht një grua.
“Malishevë / 04.02.2025 – 11:00. Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën femër kosovare. Pas intervistimit, me vendim të prokurorit, i dyshuari është dërguar në mbajtje”, thuhet në njoftim.
Në rastin e dytë në Malishevë, bëhet e ditur se është arrestuar një grua që dyshohet se ka probleme pikike, pasi dyshohet se sulmoi anëtarët e familjes.
“Malishevë / 04.02.2025 – 16:00. Është arrestuar e dyshuara femër kosovare, dyshohet me probleme psikike, pasi që e njëjta dyshohet se ka sulmuar anëtarët e familjes. Nuk raportohet për të lënduar, ndërsa me vendim të prokurorit e dyshuara është dërguar në Spitalin Psikiatrik”, njofton Policia.
Ndërsa, në rastin e tretë në Malishevë raportohet se është arrestuar një i dyshuar për rastin që kishte ndodhur më 11 qershor të vitit që lamë pas.
“Malishevë / 11.06.2024 – 14:00. Lidhur me rastin, më 04.02.2025 është arrestuar i dyshuari mashkull kosovar dhe i njëjti pas intervistimit me vendim të prokurorit është dërguar në mbajtje”, thuhet në njoftim.
