24 vite më parë rreth një milion shqiptarë të Kosovës po gjenin strehimin në tokat e vëllezërve shqiptarë si shkak i dëbimit kur përgjatë luftës 1998-1999, rreth një milion shqiptarë ishin detyruar të shpërnguleshin nga shtëpitë e tyre me dhunë drejt vendeve fqinjë si Shqipëria e Maqedonia nga forcat paramilitare serbe.
Në mesin e tyre kishte fëmijë, gra dhe të moshuar, të dhunuar, të torturuar dhe të masakruar. Në çdo përvjetor të eksodit të vitit 1999, që mori përmasa biblike, në Kukës përkujtohet kjo dramë vuajtjesh nga më të tmerrshmet që kanë përjetuar njerëzit e kësaj toke.
Me datë 27 mars, në Vërmicë/Morinë kalojnë 187 refugjatët e parë nga Kosova të cilët ishin në gjendje të mjerueshme fizike dhe mendore dhe të plagosur me mjete të forta.Menjëherë u bë transportimin e tyre me mjete të transportit civil dhe ushtrisë nga Drejtuesit e Prefekturës së Kukësit. Ata ishin kryesisht banorë të fshatrave të Prizrenit, Krushë e Madhe dhe Zym. Si fillim këto refugjatë u strehuan në pallatin e kulturës “Hasan Prishtina”. Për të vazhduar kështu me mijëra të tjerë që arritën në tokën e shpëtimit, për të cilët u sigurua vendbanimi, ushqimi e kujdesi shëndetësor.
Por përpos Shqipërisë e Maqedonisë, mijëra shqiptarë të tjerë u nisën edhe drejt kufirit me Malin e Zi, e ndërsa qindra të tjera kishin lënë shtëpitë e tyre për të gjetur strehim maleve të Kosovës.
Pikërisht në Kukës data 16 prill shënohet Dita e Eksodit, shenjë falënderimi dhe respekti për të gjithë ata që hapen dyert për të pritur vëllezërit e tyre shqiptarë nga Kosova.
Në nder të kësaj çdo vit organizohet aktivitete të ndryshme e madje edhe ndër vite janë ngritur edhe simbolika të tjera si Obelisku e cila po ashtu simbolizon falënderimin ndaj popullit shqiptarë po ashtu në Qendrën Përkujtimore “Bllaca ‘99” në Han të Elezit qëndron monumenti “Muri i Kujtesës” si dhe parku “Hasan Prishtina” dhe Monumenti “Muri i Kujtesës” është një mozaik që simbolizon sakrificën e nënës shqiptare.
Në Kukës përgjatë asaj kohe u strehuan, rreth një milion refugjatë kosovarë, kurse për nder të këtij kontributi në vitin 2000, Kukësi ishte vend kandidat për çmimin “Nobël për Paqe”. /atvlive.tv
