Zyrtare: Sergio Conceicao trajneri më i ri i Milanit
Milani ka konfirmuar përmes një njoftimi zyrtar emërimin e Sergio Conceicaos si trajneri i tyre më i ri.
Conceicao ulet në stolin e ‘Rossonerëve’ duke zëvendësuar Paulo Fonsecan, i cili u lirua nga detyrat e tij gjatë ditës së sotme pasi gjiganti italian ra në pozitën e tetë në tabelë.
Reklamë
50-vjeçari ka qenë i papunë që prej largimit të tij nga Porto, aty ku qëndroi për shtatë vite dhe u shpall tri herë kampion i Portugalisë.
Official Statement: Sérgio Conceição #SempreMilan
— AC Milan (@acmilan) December 30, 2024
Conceicao nuk është i panjohur për kampionatin italian, pasi atje ka fituar Scudetton me Lazion si lojtar teksa ka luajtur edhe tek Parma dhe Interi.
Ai zakonisht preferon të luajë me sistemin 4-4-2 ose 4-2-3-1 dhe kërkon lëvizje vertikale të topit.
Skuadrat e tij zakonisht janë përshkruar si të vështira për t’u përballur ndaj tyre dhe që bëjnë një lojë mjaft fizike dhe intensive.
Reklamë
