Një rast i vdekjes së dyshimtë është raportuar mbrëmjen e së mërkurës në Prishtinë, ku një burrë është gjetur pa shenja jete në shtëpinë e tij. Ngjarja ka ndodhur rreth orës 20:10.
Sipas njoftimit zyrtar, në vendngjarje kanë dalë njësitet përkatëse policore dhe ekipi mjekësor, ku këta të fundit kanë konstatuar vdekjen e viktimës me të arritur në vendin ku është gjetur.
Me vendim të prokurorit kompetent, është hapur rast si “Vdekje e dyshimtë”, ndërsa trupi i pajetë është dërguar në Institutin e Mjekësisë Ligjore për obduksion.
