Tri skuadra në NBA vazhdojnë pa humbje, Houston Rockets prin listën
Mëngjesin e sotëm janë zhvilluar ndeshjet e radhës në ligën më të fortë të basketbollit në botë, NBA.
Deri më tani, vetëm tri skuadra nuk kanë ende asnjë humbje dhe të gjitha renditen në Konferencën e Perëndimit.
Reklamë
Houston Rockets i prin listës, pas fitores bindëse ndaj Atlanta Hawks me rezultat 120-110.
Alperen Sengun udhëhoqi skuadrën e tij drejt fitores me 29 pikë, nëntë kërcime e po aq asistime, derisa Kevin Durant shënoi 22 pikë e nëntë kërcime.
Te Hawks u dalluan Jalen Johnson me 21 pikë dhe CJ McCollum me 20 sosh.
Me fitoren e katërt radhazi ka vazhduar edhe Oklahoma City Thunder, pasi mundi Phoenix Suns me shifrat 125-114.
Ajay Mitchell shkëlqeu në këtë ndeshje me 30 pikë, derisa Shai Gilgeous-Alexander shtoi 26 pikë për fitoren e skuadrës së tij.
Te skuadra humbëse, Jalen Green u dallua me 20 pikë, si dhe Dillon Brooks me 19 sosh.
Në pozitën e tretë është Memphis Grizzlies, që vjen pas një fitoreje me rezultat të ngushtë ndaj Utah Jazz, 110-105.
Meritorët për këtë fitore ishin Cedric Coward me 16 pikë e 11 kërcime dhe Ty Jerome me 15 pikë e tetë asistime.
Në anën tjetër, Keyonte George shkëlqeu me 26 pikë e gjashtë asistime, mirëpo ato nuk mjaftuan për ta fituar këtë ndeshje.
Reklamë
