Tenderi tre milionësh për Kompleksin Memorial “Adem Jashari”, përfundon sot në Gjykatë Komerciale

Tenderi tre milionësh për Kompleksin Memorial “Adem Jashari”, do të përfundojë në Gjykatë Komerciale.

Kështu ka bërë të ditur Instituti i Shkencës dhe Teknologjisë “INSI” SH.P.K., përmes një komunikate.

INSI-ja të premten do të mbajë konferencë për media, me rastin e dorëzimit të padisë dhe kërkesës për shtyrje të ekzekutimit të Vendimit të OSHP-së, pranë Gjykatës Komerciale.

Siç njoftohet, në këtë konferencë do të të pasqyrohen shkeljet e Ministrisë së Kulturës, Rinisë dhe Sportit dhe Organit Shqyrtues të Prokurimit, lidhur me tenderin: “Zhvillimi i master-planit per Kompleksin Memorial ‘Adem Jashari’, në vlerë tre milion euro.

Mediave do ti drejtohet avokati i kompanisë, Qëndrim Arifi, ndërsa prezent në këtë konferencë do të jetë edhe Drejtori i kompanisë, Ismajl Baftijari.

Konferenca do të mbahet nesër më datë 16.02.2024, në Pallatin e Drejtësisë në Prishtinë, duke filluar nga ora 11:00.