Vinicius rrezikon të humbasë vendin në formacionin e Real Madridit, konkurrenca bëhet gjithnjë e më e fortë

Vinicius Junior mund të ketë humbur vendin në formacionin titullar të Real Madridit, pas paraqitjeve të mira të skuadrës në ndeshjet e fundit, në të cilat sulmuesi brazilian ka munguar. Kështu raporton gazeta spanjolle Diario AS.

Braziliani nuk ishte në dispozicion për ndeshjen ndaj Valencias, të cilën madrilenët e fituan me rezultat bindës 3-0, për shkak të suspendimit. Megjithatë, Reali tregoi se mund të funksionojë në mënyrë të shkëlqyer edhe pa të.

Arda Guler, Jude Bellingham dhe Kylian Mbappe ishin ndër futbollistët që spikatën në këtë përballje, duke e bërë edhe më të vështirë rikthimin e Viniciusit në formacionin bazë.

Sezoni aktual nuk ka qenë aspak i lehtë për sulmuesin brazilian, i cili deri më tani ka realizuar vetëm një gol në të gjitha garat. Suspendimi prej katër ndeshjesh në garat vendore ia ka ndërprerë ritmin, ndërsa as në Ligën e Kampionëve nuk ka arritur të lërë gjurmë, pasi nuk ka regjistruar asnjë gol apo asistim.

Ndërkohë, forma e shkëlqyer e Gulerit dhe përshtatja gjithnjë e më e mirë e Yan Diomandes në Santiago Bernabeu po e shtojnë konkurrencën në repartin ofensiv të madrilenëve.

Megjithatë, trajneri Jose Mourinho vazhdon të ketë besim te Vinicius. Sipas raportimeve, komunikimi mes tyre ka qenë i vazhdueshëm, ndërsa portugezi e ka mbështetur publikisht brazilianin dhe ka shprehur besimin në aftësitë e tij.

Megjithatë, Mourinho është i gatshëm të marrë vendime të vështira në interes të skuadrës, pavarësisht emrit të futbollistëve.

Për momentin, as Real Madridi dhe as Vinicius Junior nuk po mendojnë për një ndarje. Objektivi i përbashkët është që 25-vjeçari ta rikthejë formën e tij më të mirë dhe të luftojë për ta rifituar vendin në formacionin