Tahiri nga Jordania: Lufta mes Izraelit e Palestinës po e trazon botën

Shefi i Grupit Parlamentar të Aleancës për Ardhmërinë e Kosovës, Besnik Tahiri, po qëndron në Jordani.

Tahiri ka shpërndarë një video në llogarinë e tij në Facebook, nga Deti i Vdekur i Jordanisë, më saktësisht afër Izraelit dhe Palestinës.

Ai ka shtuar se lufta mes Izraelit dhe Hamasit po trazon rajonet por edhe botën.

“Banorët e kësaj toke të bekuar janë duke u ballafaquar më një konflikt dhe luftë të tmerrshme. Lutemi që kjo të përfundojë sa më shpejtë, për shkak se është duke e trazuar rajonin këtu, mirëpo edhe gjithë botën”, ka thënë Tahiri.