Sulmi izraelit vret ‘disa’ ushtarë libanezë

Një sulm izraelit ka vrarë “disa ushtarë”, përfshirë një oficer, sipas forcave të armatosura të Libanit.

Sulmi ajror ka shënjestruar një automjet ushtarak në rrugën Khardali-Nabatieh në jug të Libanit, ka bërë të ditur ushtria.

Ndërsa Izraeli vazhdon të luftojë me milicinë e mbështetur nga Irani, Hezbollah, në Liban, forcat e armatosura të vendit kanë shmangur përfshirjen.

Izraeli kishte rënë dakord të zbatonte një armëpushim me Libanin këtë javë, por Hezbollah (i cili nuk ishte pjesë e bisedimeve) e ka refuzuar atë.