Sot varroset 30-vjeçari që u ther për vdekje në Gjakovë

30-vjeçari Rexhë Brahimaj, do të varroset sot në fshatin Jabllanicë, pasi u ther për vdekje në orët e para të së martës në Gjakovë.

Sipas njoftimit të familjes, ceremonia mortore do të mbahet me fillim nga ora 17:00.

I ndjeri ishte edhe i afërm i Egzona Muqiqit, bashkëshortes së këngëtarit të njohur, Albatrit Muqiqit.

Dorasi Q.S., sipas policisë, është vetëdorëzuar disa orë pas aktit, ndërsa është ndaluar për 48 orë. Ndryshe, prokuroria pritet që brenda afatit ligjor ta paraqesë kërkesën për caktimin e paraburgimit.