Sot mbahet ceremonia qendrore për shënimin e 26-vjetorit të Policisë së Kosovës

Me rastin e 26 vjetorit të themelimit të Policisë së Kosovës, sot do të zhvillohet Ceremonia Qendrore në Drejtorinë e Përgjithshme të Policisë së Kosovës.
Në këtë ceremoni, e cila pritet të fillojë nga ora 19:00, do të marrin pjesë personalitete të larta shtetërore, drejtues të Policisë së Kosovës, si dhe përfaqësues vendorë e ndërkombëtarë. Policia e Kosovës, e themeluar më 6 shtator 1999, mbetet një nga institucionet kyçe të vendit, përgjegjëse për ruajtjen e rendit dhe sigurisë publike.
Ceremonia vjen si një moment për të nderuar punën dhe angazhimin e gjithë punonjësve të saj gjatë dy dekadave e gjysmë të shërbimit ndaj qytetarëve.