Plani i veprimit në kuadër të Strategjisë për Sundimin e Ligjit që u miratua këtë javë, parasheh këtë vit si afatin e fundit për përfundimin e ligjit të ri për Këshillin Prokurorial.
Përveç këtij ligji, në rishikimin e strategjisë është përfshirë edhe hartimi i disa ligjeve që rrjedhin nga Deklarata e Përbashkët e Zotimit.
Por, shoqëria civile konsideron se strategjia nuk ka pasur rezultate konkrete.
Megjithatë, kërkesat buxhetore nuk i janë aprovuar KGJK-së e as Këshillit Prokurorial.
Në mungesë të buxhetit, vlerësohet se shumica e objektivave do të mbesin vetëm në letër.
Sipas po këtij plani të veprimit është planifikuar që këtë vit të ndahet buxhet nga 69 mijë e 500 euro për KGJK, dhe KPK.
Kjo me qëllimin që Këshillat përgjatë viteve 2025/2026 të ndërmarrin fushata të vazhdueshme mediale, për të rritur ndërgjegjësimin e publikut për sistemin e ri ligjor të përgjegjësisë disiplinore të prokuroreve, e gjyqtarëve./atvlive.tv/
