Një ngjarje e rëndë ka ndodhur paraditen e sotme në një shkollë jopublike 9-vjeçare në Sarandë.
Sipas njoftimit të Policisë, një i mitur 15-vjeçar është plagosur me thikë në ambientet e shkollës nga një nxënës tjetër, 13-vjeçar.
“Sot, rreth orës 10:00, në ambientet e një shkolle jopublike 9-vjeçare në lagjen nr. 3, Sarandë, gjatë një konflikti për motive të dobëta, dyshohet se një nxënës 13-vjeçar ka goditur me mjet prerës një të mitur, 15 vjeç, i cili ndodhet në spital, jashtë rrezikut për jetën”, thuhet në njoftimin e Policisë.
Po ashtu, Policia ka bërë të ditur se vijon puna për shoqërimin e autorit të dyshuar të kësaj ngjarjeje, si dhe për sqarimin dhe dokumentimin e plotë të rrethanave të rastit.
