Rruga e shembur në Klinë, banorët rrezikojnë të bllokohen

Përgatiti: Kastriot Tahiri

Shenja që rruga është e dëmtuar nuk ka.

Edhe pse mbetet e hapur, mirëpo banorët e tre fshatrave të Klinës, e kanë të vështirë të kalojnë me vetura këndej, për shkak të shembjes së dheut.

Rruga është dëmtuar për shkak të reshjeve atmosferike. Nga komuna e Klinës nuk kthyen përgjigje të hënën për ATV-në, nëse ka ndonjë plan për këtë problem.

Derisa të fillojnë punimet, banorët thonë se lëvizja nëpër këtë rrugë do të mbetet e kufizuar.

“Këtu kalojnë shumë njerëzit, është shumë rrezik. Uji prej lartit, e ka prish nuk e mbaj në mend 72 vjet i kom kështu s’ka ndodhë asnjëherë, me u dëmtu në këtë pjesë rruga”, tha Sadik Dallaveri, banor.

Meqë, terreni është jo i mirë, sipas banorëve, rreziku rritet kur terri mbulon fshatin.

“Rrezik është boll, kur të vijnë prej anës së lartë të panjohurit munden me ra me u mbytë. Na që jemi afër këtu po e dimë. Veç një herë kanë ardhë e kanë hedhur zhavorr”, tha Hasan Dallaveri, banor.

Nëse rruga nuk rregullohet, banorët e fshatit Jashanicë dhe Kërnicë për të shkuar në shtëpinë e tyre, duhet të përdorin rrugët alternative nëpër komunën e Skenderajt.

spot_imgspot_img
Klikoni KËTU për t’u bërë pjesë e kanalit zyrtar të ATVLIVE.TV në Viber.

Bëni Subscribe në kanalin zyrtar të ATV-së në YouTube – Kliko KËTU

LAJME TË TJERA

spot_img
spot_img

PUBLIKUAR SË FUNDI

spot_img
spot_img

LAJME TË TJERA