Një pjesë e kullës së Kontit në Romë, e cila aktualisht ndodhet në fazë restaurimi, është shembur mëngjesin e sotëm rreth orës 11:00 me kohën lokale, duke lënë disa persona të zënë nën rrënoja.
Deri më tani, katër persona janë nxjerrë nga rrënojat, ndërsa raportohet se të paktën një person vazhdon të jetë nën to.
Sipas informacioneve të para, një burrë është i vetëdijshëm dhe ka reaguar ndaj thirrjeve të shpëtimtarëve.
Në vendngjarje, përveç zjarrfikësve, ndodhen edhe pjesëtarë të policisë.
Sipas mediave lokale, dy nga të plagosurit janë trajtuar në vendngjarje, ndërsa një burrë 64-vjeçar është dërguar në spitalin “San Giovanni” në gjendje të rëndë.
Kulla, e ndërtuar në vitin 1238 me urdhër të papës Inoçenti III, ndodhet pranë Koloseut dhe Forumit Romak, në zemër të qendrës historike të Romës. Në momentin e shembjes së pjesshme, e cila ndodhi rreth orës 11:30, ajo ishte në proces restaurimi të financuar nga fondet e Planit Kombëtar të Rimëkëmbjes dhe Qëndrueshmërisë së Italisë.
Brigada e zjarrfikësve të Romës ka dërguar në vendngjarje tre ekipe operative, dy autoshkallë dhe njësi speciale. Tre punëtorë, që kishin mbetur të bllokuar në majë të kullës, janë evakuuar përmes derës duke përdorur autoshkallët, ndërsa punëtori i katërt është nxjerrë nga struktura vetë.
Sipas raportimeve të para, një person ndodhet ende nën rrënoja dhe ekipet e shpëtimit po vazhdojnë kërkimet.
Una porzione della storica Torre dei Conti, situata in Largo Corrado Ricci nei pressi dei Fori Imperiali a Roma, è crollata questa mattina durante i lavori di ristrutturazione.
Fortunatamente non risultano persone coinvolte sotto le macerie, mentre l’area è stata messa in… pic.twitter.com/98ox69K4IS
— La Sicilia (@lasiciliait) November 3, 2025
