Këtë fundjavë, Roza Lati dhe Rita ishin të ftuara në emisionin “Me prit të dielën”, ku ndanë me publikun detaje nga bashkëpunimi i tyre profesional dhe marrëdhënia nënë–bijë. Gjatë bisedës, dyshja folën për vlogun që kanë nisur së bashku, ndërsa Rita vlerësoi seriozitetin e Rozës në aspektin financiar, duke theksuar se përveç pagesës, e bija shpesh e surprizon edhe me shpërblime të tjera, duke e cilësuar bashkëpunimin e tyre si të sinqertë dhe të ekuilibruar.
Por vëmendja kryesore u përqendrua te jeta personale e Rozës, një temë që media e ndjek me interes. Ajo rrëfeu se dëshira për të qenë nënë është shumë e fortë dhe se kjo është një lutje e vazhdueshme për të. Roza theksoi pritshmëri të qarta për këtë moment, duke përmendur se dëshiron një lindje natyrale dhe prani të babait në jetën e fëmijës.
“Edhe unë e dua një fëmijë, lutem për një bebe. Dua që lindja të jetë natyrale dhe që babai të jetë prezent në jetën e fëmijës, kjo është ajo që dëshiroj,” u shpreh ajo me emocion.
