Ambasadori i Gjermanisë në Kosovë, Jorn Rohde ka thënë se takimi i 14 shtator vjen në një moment kritik, shkruan Reporteri.net.
Në rrjetin social “X”, Rohde ka thënë se është e nevojshme që të dyja palët të angazhohen në deeskalimin e situatës në veri.
Tutje ai ka shkruar se Marrëveshja e Ohrit duhet të zbatohet tani, dhe se s’ka më me lojëra faji, pasi është koha për të vepruar për të mirën e të gjithëve.
“Takimi i nivelit të lartë më 14 shtator vjen në një moment kritik. Ne kemi nevojë për angazhimin e plotë të të dyja palëve për de-përshkallëzimin, dialogun e ndërmjetësuar nga 🇪🇺 dhe demokracinë pjesëmarrëse. Marrëveshja e Ohrit duhet të zbatohet TANI. Nuk ka më lojëra faji. Hiqni pengesat për përparim. Koha për të vepruar për të mirën e të gjithëve”, ka shkruar ambasadori gjerman në “X”.
High-level meeting on 9/14 comes at a critical moment. We need both sides' full commitment to de-escalation, 🇪🇺-mediated dialogue & participative democracy. Ohrid Agreement must be implemented NOW.
No more blame games. Remove obstacles for progress. Time to act for all's benefit— Ambassador Jörn Rohde (@GermanAmbKOS) September 11, 2023
