Rindërtimi i shtëpive të shqiptarëve në veri, disa prej tyre janë thuajse gati

Pas 25 vjetësh Muharrem Muharremi do kthehet të jetojë në fshatin e lindjes.

Ai do vendoset në shtëpinë e re në Bistricë të Leposaviqit, të cilën ia ndërtoi Qeveria, meqë të vjetrën ia kishin djegur në luftë.

64-vjeçari ishte një ndër përfituesit e programit për rindërtimin e shtëpive të shkatërruara gjatë luftës në pjesën veriore të vendit.

Në fshatrat e Leposaviqit, Cerajë e Bistricë farë pranë të qenët të banueshme janë edhe disa shtëpi tjera. Njëkohësisht njësi tjera banimi po rindërtohen e po rinovohen edhe në pjesë tjera të Veriut.

Por, asamblisti Betim Osmani, druan se procesi i kthimit të banorëve do të shtyhet edhe më, nëse punohet me këtë ritëm.

Marrëveshjet për ndërtimin e 20 shtëpive dhe rindërtimin e 4 të tjerave, ishin nënshkruar në shtator të vitit 2023 në mes të Ministrisë së Infrastrukturës dhe përfituesve nga komunat veriore./atvlive.tv/