Legjislatura e nëntë e Kuvendit të Kosovës, e dalë nga zgjedhjet e 9 shkurtit, nuk ka arritur të konstituohet as në tentimin e nëntë që nga 15 prilli, kjo pasi nuk kaloi propozimi i kryesuesit të seancës, Avni Dehari, për votim të fshehtë për kryeparlamentarin.
Ndryshe nga herët e kaluara, nuk u propozua kandidati për kryetar të Kuvendit nga partia fituese e zgjedhjeve, Lëvizja Vetëvendosje.
Kryesuesi i seancës konstituive, Avni Dehari, bëri të ditur se seanca do të vazhdojë të shtunën, më 3 maj në orën 10:00.
