Policia e Kosovës ka reaguar pas raportimit të djeshëm në media se Shtetet e Bashkuara të Amerikës kanë “sanksionuar” këtë institucion, duke thënë se trajnimet nuk janë ndërprerë në asnjë periudhë kohore, dhe vazhdojnë të realizohen, e që ShBA-ja është përkrahësi kyç në ofrimin e këtyre trajnimeve në Policinë e Kosovës.
Përmes komunikatës së lëshuar për media, Policia thotë se në periudhat 2022,2023 dhe 2024 janë realizuar 250 trajnime brenda dhe jashtë vendit.
“Një nga përkrahësit dhe parterët kyç në ofrimin e trajnimeve brenda Policisë së Kosovës por edhe të dërgimit të zyrtarëve për trajnim jashtë vendit, ka qenë dhe vazhdon të mbeten Shtetet e Bashkuara të Amerikës, të cilët gjatë periudhës kohore të viteve 2022-2023-2024, e deri me tani kanë realizuar mbi 250 trajnime brenda dhe jashtë vendit, ku kanë marrë pjesë mbi 2.300 pjesëmarrës nga Policia e Kosovës, përfshirë edhe njësitet elite të PK-së”, thuhet mes tjerash në komunikatën e policisë.
