Teknologjia është një nga vendimet më të vështira me të cilat përballen prindërit kur u dorëzohen kërkesave të vazhdueshme të fëmijëve të tyre më të vegjël për një telefon të mençur.
Me sukses të madh u kurorëzua programi pilot i autoriteteve komunale të qytetit irlandez Greystones, sipas të cilit prindërve u kërkohej që të mos blinin celularë për fëmijët e tyre derisa ata të shkonin në shkollën e mesme.
Shifrat e fundit nga rregullatori i komunikimit Ofcom tregojnë se 20% e tre-vjeçarëve kanë një smartphone. Kjo përqindje rritet në 55%, midis moshës tetë dhe 11 vjeç.
Së pari, banorët e qytetit bregdetar në Irlandë vendosën se nuk donin që fëmijët e tyre t’i kalonin vitet e tyre më krijuese të ngjitur në një ekran celular. Prandaj nënat e qytetit bashkuan forcat dhe arritën në përfundimin se janë dakord që fëmijët e tyre të mos kenë telefon derisa të kalojnë pragun e shkollës së mesme.
Të tetë shkollat fillore në qytetin irlandez u kërkuan nxënësve të mos merrnin pajisje elektronike me vete. Në të njëjtën kohë, shoqatat e prindërve dhe kujdestarëve të shkollës i morën gjërat në duart e tyre duke rënë dakord të ndalonin telefonat celularë në shkolla për të vegjlit dhe fëmijët e shkollave fillore.
Anja Schubert, e cila jeton në Greystones për 25 vjet, u regjistrua në platformë duke supozuar se shumica e njerëzve do të ndiheshin nën presion për të blerë një telefon për fëmijën e tyre sepse bashkëmoshatarët e tyre e kanë atë.
Më shumë se 70 për qind e prindërve në klasën e vajzës së Anjës nënshkruan marrëveshjen për të mos blerë një smartphone për fëmijët e tyre.
Politikania e Fine Gael, Mary Seery Kearney tha se bashkëpunimi duhet të jetë një model për një shtrirje më të gjerë në të gjithë vendin.
“Duke u bashkuar, prindërit, mësuesit dhe drejtorët krijuan dhe prezantuan këtë kod, që do të thotë se të gjithë fëmijët në zonë që ndjekin të njëjtat shkolla nuk do të përjetojnë frikën “Mungesës” duke mos pasur një telefon apo tablet.
Rritja e mediave sociale është lidhur me krizën e shëndetit mendor me të cilin përballen adoleshentët.
Është një qasje revolucionare e cila ka të ngjarë të mirëpritet edhe nga prindërit në Britani. Një raport i NHS-së nëntorin e kaluar zbuloi se një e katërta e 17-19-vjeçarëve në Angli kanë një çrregullim të mundshëm të shëndetit mendor, i cili ishte rritur nga një në gjashtë një vit më parë.
Qytete të tjera në Irlandë tani po shqyrtojnë zbatimin e një politike të ngjashme.
Në korrik, agjencia e arsimit, shkencës dhe kulturës e Kombeve të Bashkuara Unesco bëri thirrje që telefonat të ndalohen nga klasat në të gjithë botën. /Përgatiti: Beatrisa Culaj
