PSG gëzon tifozët: Mesazh i veçantë me rastin e Ramazanit

Futbollistët e Paris Saint-Germain u dërguan një urim të veçantë myslimanëve në mbarë botën për Ramazanin.

Një video e shkurtër u postua në kanalet zyrtare të mediave sociale të klubit, në të cilën lojtarët e PSG-së thonë: “Gëzuar Ramazanin nga familja jonë tek familja juaj”, duke uruar paqe, shëndet dhe bekime në muajin e shenjtë të Ramazanit.

Videoja tërhoqi shpejt vëmendjen dhe shkaktoi reagime të shumta pozitive nga tifozët, të cilët vlerësuan gjestin e klubit dhe lojtarëve të tij, duke theksuar rëndësinë e respektimit të kulturave dhe traditave të ndryshme.

Me këtë veprim, PSG demonstroi edhe një herë dimensionin e saj global dhe afërsinë me tifozët në mbarë botën.