Plagoset një person me armë zjarri në Prishtinë, Policia jep detaje

Një person dyshohet se është plagosur me armë zjarri në orët e mbrëmjes të së martës në Prishtinë.

Policia, përmes raportit 24 orësh ka njoftuar se i dyshuari pas lëndimeve është trajtuar në Qendrën Klinike Universitare të Kosovës (QKUK).

Lidhur me rastin është arrestuar i dyshuari mashkull kosovar nën dyshimin se i njëjti është i përfshirë në rast, ndërsa dyshohet edhe për persona tjerë të përfshirë.

“Viktima mashkull kosovar ka pësuar lëndime dhe është trajtuar në QKUK-së, pasi që i njëjti dyshohet se është plagosur me armë zjarri. Lidhur me rastin është arrestuar i dyshuari mashkull kosovar nën dyshimin se i njëjti është i përfshirë në rast, ndërsa dyshohet edhe për persona tjerë të përfshirë. Në vendin e ngjarjes si provë materiale janë gjetur dhe konfiskuar dy gëzhoja. I dyshuari pas intervistimit me vendim të prokurorit, është dërguar në mbajtje”, thuhet në raportin e Policisë.