Përgatiti: Pranvera Krasniqi
Këto plagë iu shkaktuan derisa po tentonte ta fikte zjarrin, i cili mëngjesin e së martës kishte përfshirë banesën e një familje 6-anëtarëshe në Ferizaj.
Rreth orës 8.30 kur shpërtheu zjarri, brenda banesës ndodheshin 3 familjarë, përfshirë një fëmijë 3 vjeç. Të parët që reaguan ishin fqinjët. Viktima nuk pati, por vetëm dëme materiale.
Më pas zjarrfikësit, me të marrë informacionin për shpërthimin e zjarrit dolën në vend të ngjarjes.
“Ne posa kemi marrë telefonatën kemi dalë në vendin e ngjarjes, bashkë me policinë arritëm ta lokalizojmë zjarrin, dëme ka pasë edhe në kate sipër…”, tha shefi i ndërrimit në brigadën e zjarrfikësve, Danish Qosa.
Sipas autoriteteve, dyshohet se zjarri shpërtheu për shkak të rrymës.
“Po tash në ballkon ishin klima, frigoriferi dhe kishte lagështi, dyshimet e para janë nga rryma, por ekipet përkatëse le t’i bëjnë konstatimet për më sigurt…”, tha Qosa.
Hetimet rreth shkaqeve të zjarrit ende po vazhdojnë, ndërkaq, gjatë intervenimit lëndime të lehta ka pësuar një zjarrfikës.
